Kreu i opozitës Lulzim Basha, ditën e sotme ka mbledhur grupin e punës për çështjen e reformës zgjedhore, e cila është shpallur një nga prioritetet kryesore të Partisë Demokratike dhe opozitës.
Basha dhe aleatët janë shprehur se reforma zgjedhore është rruga e cila garanton zgjedhje të lira e të ndershme. Ndërkohë, bëhet me dije se në ditët në vijim, pritet që PD të publikojë propozimet për reformën zgjedhore, që do t’i hapin rrugë një debati dhe konsultimi publik.
“Reforma zgjedhore nuk ka asnjë përparim, pavarësisht se është 1 nga 9 kushtet e Bundestagut për nisjen e negociatave të anëtarësimit me Bashkimin Europian”, ka thënë PD, e cila bën përgjegjës kryeministrin Rama si pengues të saj.
Edhe vendimin për të shtyrjen me 3 muaj të gjendjes së jashtëzakonshme, PD e interpretoi si një mekanizëm për të penguar reformën zgjedhore dhe zbatimin e saj, siç e kërkon Bundestagu, përmes zgjedhjeve të lira e të ndershme parlamentare dhe lokale në të njëjtën ditë.
Po ashtu, mësohet se Partia Demokratike synon dhe miratimin me konsensus të një reforme zgjedhore në përputhje me rekomandimet e OSBE/ODIHR-it. / Opinion.al
