Klodian Tomorri-Plot 140 milionë euro do t’i garantojë qeveria koncesionarit privat që do të ndërtojë aeroportin e Vlorës. Këto janë vetëm për 10 vitet e parë të operimit.
Edhe sikur mos te fluturoje asnjë avion ne Vlore, prape privati ka minimalisht 140 milionë euro të ardhura të sigurta. Sepse edhe nëse nuk arkëton nga tarifat, ja paguan buxheti. Te gjithë riskun e merr shteti, domethënë taksapaguesit. Koncesionari fut ne xhep fitimet.
Askush nuk e di se sa do jete kostoja e ndërtimit te Aeroportit. Qeveria e ka hapur tenderin pa studim te mirëfilltë fizibiliteti. Kjo është një tjetër thagmë. Kane marre një studim të para dy vjetëve, që kontraktoi Autoriteti i Aviacionit për ndërtimin e një aeroporti në Jug me vend të papërcaktuar. Këtë studimin e kane përditësuar dhe ja kane veshur Vlorës.
Megjithatë, paraprakisht është thëne një kosto ndërtimi nga 80-100 milionë euro. Kaq do t’i kushtoje koncesionarit. Qeveria i garanton 140 milionë euro kthim në 10 vitet e para. Dmth 40-60 milionë euro mbi koston e ndërtimit. Pastaj ja le shfrytëzimin falas për 25 vjet te tjera.
Gjithmonë është e njëjta skeme. Asnjë risk privati, të gjithën riskun për qytetaret. Këto janë koncesione si ato te Afrikës se Jugut ne epokën para Mandelës. Të gjitha. Po te paktën atje ne Afrike qeveria nuk ja shiste me show kontratat gllabëruese popullit. E bënin dhe kaq. Më e ndershme ashtu!
