Blendi Fevziu: Në rast se Gjykata e Apelit ju njeh fajtor do të shkoni në burg apo do të arratiseni?
Ervin Salianji: Po pa diskutim…
Blendi Fevziu: Do shkoni në burg?
Ervin Salianji: Pa diskutim…pa asnjë diskutim
Blendi Fevziu: Një burg jo të sigurisë të lartë
Ervin Salianji: Pa asnjë lloj diskutimi do të shkoj në çfarëdo lloj burgu që do të japë gjykata, por do ta bëj burgun ashtu siç kanë bërë sakrificë qindra mijëra njerëz për të vërtetën, për të drejtën dhe për të mundur mafian dhe krimin e organizuar …nuk ka diskutim fare kjo…
Gjykata e Tiranës vendosi sot të shpallë fajtor dhe të dënojë me 1 vit burgim ish deputetin demokrat Ervin Salianji, për akuzën e “Kallëzimit të rremë” për përfshirje në inskenimin e audio-përgjimit të vëllait të ish ministrit të Brendshëm Fatmir Xhafaj
Në vendimin e saj Gjykata sot dënoi me 3 vjet dhe 5 muaj burgim dhe Albert Veliun, personin që pranoi se ka kyer përgjimin. Dy vjet burgim u dhanë për Fredi Alizotin, i cili rezultoi të ishte njeriu që ishte hequr si Geron Xhafaj, vëllai i ish ministrit, në bisedën me Veliun. Ndërsa gazetari Jetmir Olldashi, i cili i kishte dhënë Veliut pajisjen përgjuese, u dënua me 6 muja burg, por që do të konvertohet në 100 orë pune në shërbim publik.
Sipas hetimeve të Prokurorisë ish deputeti Salianji ishte përfshirë në “krijimin e provave të rreme për të dëmtuar politikisht zotin Fatmir Xhafaj, në atë kohë në detyrën e ministrit të Brendshëm”./ Opinion.al
