Presidenca ka reaguar pas publikimit të deklaratës së ambasadës amerikane në Tiranë, ku thuhej se palët duhet t’i drejtohen Komisionit të Venecias në lidhje ngërçin e krijuar me Gjykatën Kushtetuese.
Zëdhënësi i Presidencës, Tedi BLushi, shprehet se kryetari i KED-së Ardian Dovrani ka marrë përgjigjen e tij në një bisede zyrtare të zhvilluar nga presidenti Ilir Meta.
Blushi, teksa i ka cilësuar diplomatët e huaj në Tiranë si bashkëfajtorë për dhunimin e reformës në drejtësi, shprehet se ka ardhur koha që vendi të mos hedh hapa sipas “rregullave të ambasadave”, por sipas “rregullave të ligjit”.
Përmes ironisë, zëdhënësi i Metës, shprehet; “Rruga e Elbasanit të çon në Elbasan dhe Rama e përdor dhe për në Xibrakë! Rruga e Kavajës të çon në Kavajë! Vetëm rruga e Kushtetutës na çon në Europën e Bashkuar.”
Reagimi
Garantët e veprimeve të paligjshme dhe mafioze të Dvoranit e kanë marrë mbrëmë përgjigjen zyrtare në një bisedë zyrtare tepër të përgjegjshme të Kryetarit të Shtetit. Tymi i Venecias që hodhi me porosi të Ramës, Ambasadori në ikje i Agaçit pak ditë më parë, është turpi më i fundit i grupit të strukturuar diplomatik në Tiranë, bashkëfajtor për dhunimin sistematik të Reformës në Drejtësi dhe me qëllim kapjen e saj të plotë nga Regjimi monist i Edi Ramës. Mjaft më “Rule of Embassy”. Është koha për “Rule of Laë” si çdo vend demokratik. Rruga e Elbasanit të çon në Elbasan dhe Rama e përdor dhe për në Xibrakë! Rruga e Kavajës të çon në Kavajë! Vetëm rruga e Kushtetutës na çon në Europën e Bashkuar!/ Opinion.al
