Pyesni veten: A është vërtet partneri problemi?
Nëse ndiheni gati për të hequr dorë nga marrëdhënia juaj, sepse mendoni se është e mërzitshme dhe e fjetur, hidhini një sy jetës tuaj në përgjithësi. Është marrëdhënia juaj e fjetur, apo e gjithë jeta juaj? Njerëzit mund ta transferojnë ndjenjën e mërzisë dhe mungesën e entuziasmit tek partneri, kur ai mund të mos jetë fare shkaku i tyre.
Kujtoja vetes pse je mirënjohëse për partnerin
A ndiheni me fat për prezencën e njëri-tjetrit në jetë? Sapo të zbuloni përgjigjen, bëni diçka për të shprehur mirënjohje dhe bëjeni vazhdimisht në mënyrë që partneri ta dijë se e vlerësoni. Flisni me partnerin sado e vështirë të jetë, duhet të gjeni bashkë rrënjët e problemit.
Mbani mend: Muaji i mjaltit nuk zgjat përgjithmonë
Dashuria e zjarrtë mund të ftohet pak. Njerëzit që janë në kërkim të vazhdueshëm të emocioneve dhe dashurive të reja sa herë ndeshen me një problem në lidhje, janë të paaftë për të mbajtur lidhje të qëndrueshme. Sepse faza euforike në dashuri është biologjikisht e paqëndrueshme tek njerëzit.
Kjo është sfida e lidhjeve të gjata dhe martesave, sa mund ta bësh të zgjasë? Duhet të përqafosh realitetin dhe të pranosh fakti se lidhja mund të bjerë në rutinë, që s’ka nxehtësinë e muajit të mjaltit, por ka diçka më të rëndësishme dhe kjo është siguria, miqësia dhe përkushtimi.
Bashkoju partnerit në interesat e tij
Bëj diçka që partnerit tënd i pëlqen, por ty jo. Cakto një ditë një javë dhe bëje atë më të lumtur, kjo do t’ju ndihmojë të afroheni më shumë bashkë.
Hiqni dorë nga dëshira për të patur ‘lidhjen perfekte’
Marrëdhëniet perfekte nuk egzistojnë. Ka zënka, keqkuptime, dhe inate. E rëndësishme është të ketë dashuri dhe të mos neglizhoni intimitetin./Opinion.al
