Kancelarja gjermane, Merkel do të përpiqet të bindë Presidentin e Francës, Macron të heqë dorë nga vetoja e tij për Maqedoninë dhe Shqipërinë në lidhje me procesin e tyre të anëtarësimit në BE, shkruan agjencia gjermane e lajmeve “DPA”.
DPA shton gjithashtu se Franca synon të bllokojë hapjen e bisedimeve të pranimit në BE me Maqedoninë dhe Shqipërinë në tetor.
“Gjermania miratoi hapjen e bisedimeve të pranimit me të dy vendet në tetor, ndërsa Hollanda dhe Danimarka janë dakord vetëm për Maqedoninë e Veriut që të fillojë bisedimet. Vendet e tjera shihen si kryesisht pozitive për Maqedoninë e Veriut dhe Shqipërinë, me një vërejtje që Greqia dhe Bullgaria nuk duan të shohin që shtetet të ndahen ne kete proces” shkruan me tej DPA.
Sakaq, javën e shkuar Reuters raportonte se “nëse ministrat e BE nuk arrijnë të bien dakord përsëri, çështja mund të diskutohet në samitin e liderëve kombëtar me 17-18 Tetor në Bruksel”./Opinion.al
