24- Tjetër dasmë mbretërore, pas shumë prapaskenash fejohet princesha Beatrice/Duket se do të kemi një tjetër dasmë në familjen mbretërore. Kësaj here është princesha Beatrice, vajza e Princit Andrew, Dukes së York-ut, djalit të dytë të Mbretëreshës Elizabeth II me Princin Philip, ajo që ka vendosur të kurorëzojë dashurinë me miliarderin italian, Edoardo Mapelli Mozzi.
Buckingham Palace konfirmoi zyrtarisht se princesha mori një propozim teksa kalonte një fundjave në Itali. Gjithashtu, u konfirmua se dasma do të mbahet diku përgjatë vitit 2020.
“Jemi ekstremisht të lumtur të ndajmë me ju lajmin e fejesës. Jemi të dy të emocionuar të fillojmë këtë aventurë së bashku dhe mezi presim të martohemi. Ndajmë shumë interesa dhe vlera të përbashkëta dhe e dimë që ky do të jetë motivimi ynë në vitet që do vijnë, që do jenë të mbushur me dashuri dhe lumturi”, -është shprehur çifti për mediat.
Romanca e tyre e cila ka nisur prej disa kohësh është e mbushur me prapaskena dhe thashetheme pasi Edoardo ka qenë i martuar me Dara Huang dhe ka një djalë 2-vjeçar me të dhe flitet se princesha dhe ai nisën të dilnin, ndërkohë që ai ishte i martuar./Opinion.al
