Volodymyr Zelensky, presidenti i Ukrainës ka reaguar pas publikimit të telefonatave mes tij dhe Presidentit të SHBA Donald Trump.
Gjatë takimit me Trump, në kuadër të asamblesë së Kombeve të Bashkuara, Zelensky tha se; “Është më mirë të jemi në televizion sesa në telefon”.
Nga ana tjetër, Trump u shpreh se nuk ishte ai që e kishte bërë të famshëm presidentin ukrainas, por e kundërta.
Në një reagim të mëvonshëm, ish-komediani dhe presidenti aktual i Ukrainës ka deklaruar se do të ishte më mirë që pjesa tjetër e bisedës telefonike mes tij dhe Trump të mos publikohej. Por, njëkohësisht deklaroi se ai nuk e ka problem pasi askush nuk mund t’i bëj presion.
“Askush nuk mund të më bëjë mua presion. Kushdo mund të thotë çfarë të dojë, jeni të mirëpritur. Unë jam i hapur. Ata publikuan transkriptimin, madje edhe pjesën time të bisedës. Le ta bëjnë. Edhe pse mendoj se personalisht, ndonjëherë, disa gjëra si për shembull telefonatat mes krerëve të shteteve nuk kanë pse të bëhen publike. Janë në mes çështje gjeopolitike, plane etj. Megjithatë nuk e kam problem”, deklaroi Zelensky.
Presidenti Trump i ka kërkuar homologut të tij Zelenskiy gjatë një telefonate në korrik të hetonte nëse ish-nënpresidenti Joe Biden mbylli një hetim për një kompani që kishte punësuar të birin, siç tregon një përmbledhje e telefonatës që u bë publike të mërkurën nga administrata e Presidentit Trump.
“Ka shumë për të folur për të birin e Biden-it, që Biden e ndali ndjekjen penale dhe shumë njerëz duan informacion për këtë çështje, prandaj çdo gjë që mund të bëni me Prokurorin e Përgjithshëm, do të ishte e vlefshme”, thotë Trump në telefonatë.
Ndërkohë të tjera detaje priten të zbulohen, nëse dhe pjesa tjetër e bisedës do të publikohet në ditët në vijim./ Opinion.al E.Xh.
