Një ditë mjaft e trishtë ka qenë për këngëtaren nga ishujt Barbados, Rihannën, e cila ka humbur një person të dashur të familjes së saj.
Përmes një postimi në Instagram, ajo ka ndarë me ndjekësit e saj ndarjen nga jeta të xhaxhait. Krahas fotos të publikuar në rrjete sociale ku shfaqet i ati së bashku me xhaxhain e saj ajo ka shkruar: “Prehu në paqe xhaxha Rudy!”.
Këngëtarja nuk ka bërë të ditur shkakun e vdekjes e të afërmit të saj. Pas këtij publikimi ajo ka marrë mesazhe të shumta ngushëllimi nga ndjekësit dhe fansat.
Rihanna këto kohë ka qenë në qendër të vëmendjes mediatike pasi mendohet se ajo është në pritje të fëmijës së saj të parë, ndonëse nuk ka reaguar ende ndaj këtyre aludimeve./Opinion.al/
