Kryeministri Edi Rama është takuar me presidentin amerikan Donald Trump. Është vetë kreu i qeverisë shqiptare, i cili ka hedhur një foto në rrjetet sociale në krah presidentit Trump.
Rama po merr pjesë në Asamblenë e Përgjithshme të Kombeve të Bashkuara dhe foto zyrtare apo takimet mes liderëve të ndryshëm janë të natyrshme.
Presidenti amerikan Donald Trump tha të martën se ndërsa Shtetet e Bashkuara nuk kërkojnë konflikt me asnjë vend tjetër, ai nuk do të hezitojë të mbrojë interesat e Amerikës.
“Shtetet e Bashkuara kanë shpenzuar 2.5 trilion dollarë që nga rizgjedhja ime për të rindërtuar ushtrinë tonë të madhe. Jemi gjithashtu kombi më i fuqishëm në botë,” i tha ai një salle të mbushur plot me udhëheqës botërorë. “Shpresojmë që kurrë nuk do të duhet ta përdor këtë fuqi.”
Presidenti Trump theksoi se Shtetet e Bashkuara nuk kërkojnë konflikt me asnjë vend.
“Ne dëshirojmë paqe, bashkëpunim dhe përfitim të ndërsjellë me të gjithë, por unë nuk do të dështoj asnjëherë të mbroj interesat e Amerikës,” i tha ai Asamblesë së Përgjithshme të Kombeve të Bashkuara./ Opinion.al
