Presidenti serb, Aleksandër Vuçiç ka treguar detaje në lidhje me takimet që zhvilloi me kryeministrin shqiptar Edi Rama dhe atë të Maqedonisë së Veriut, në Neë York, gjatë Amablesë së Përgjithshme të OKB-së.
Duke folur për mediat serbe, Vuçiç deklaroi se në 8-9 tetor pret në Serbi kryeministrin shqiptar dhe atë të Maqedonisë së Veriut për të firmosur një marrëveshje bashkëpunimi rajonal.
“Unë i pres ata në 9 dhe 10 tetor në Novi Sad, sepse mendoj se është e rëndësishme që ne folëm për idenë e bashkëpunimit rajonal. Ne duam të lidhemi ekonomikisht dhe kështu të dalim para BE dhe të tjerëve si një bllok i përbashkët”, tha Vuçiç për mediat serbe.
Ai shtoi se do të ishte hapi i parë dhe se do të ishte e rëndësishme që Serbia të përfshijë Prishtinën në një bashkëpunim të tillë.
I pyetur nëse ai ishte takuar me Hashim Thaçin, presidentin serb tha se nuk e kishte parë atë në New York.
“Unë nuk e kam parë atë, nëse do ta shikoja nuk kam asnjë problem të flas me atë”, theksoi Vuçiç.
Po ashtu ai tregoi se kancelarja gjermane do të vizitojë Serbinë vitin e ardhshëm para se t’i mbarojë mandati ndërsa theksoi se Merkel dhe Macron kanë në planin organizojnë një takim rajonal dhe të përfshihen në bisedime intensive midis serbëve dhe shqiptarëve. / Opinion.al
