Kryetarja e LSI, Monika Krymadhi, ka komentuar vizitën e kryeministrit Edi Rama në Berlin, ku dhe zhvilloi një takim me kancelaren, Angela Merkel.
Kryemadhi shprehet se sa më shumë zgjat procesi i hapjes së negociatave me Bashkimin Europian, aq më shumë rritet papunësia dhe varfëria në Shqipëri.
Kryetarja e LSI thotë se shpreson që vendi ynë të marrë një përgjigje pozitive në tetor për hapjen e negociatave, pasi sipas saj, vetëm kështu qytetarët shqiptarë do të kenë një sistem drejtësie të pavarur që do të shërbejë për të luftuar kundër padrejtësive.
Ajo shprehet gjithashtu se kryeministri ka manipuluar fotot e Ramës me Merkelon, ndërsda shton se ditën e djeshme, qeveria vodhi 400 milionë euro nga xhepi i qytetarëve.
“Sa më shumë të zgjaten negociatat, aq më shumë do të rriten edhe distancimi, vuajtjet, mjerimi, varfëria e shqiptarëve. Hapja e negociatave është e lidhur ngushtë me ekonominë shtëpiake të çdo shqiptari. Hapja e negociatave do të thotë që shqiptarët do të kenë mundësi për të jetuar më mirë. Do të kenë mundësi për të shkolluar fëmijët e tyre më mirë. Do të kenë një shëndetësi më të mirë, do të kenë një sistem drejtësie të pavarur që do të shërbejë për të luftuar kundër padrejtësive. Unë shpresoj që deri më datën 18 kur të jetë vendimi përfundimtar, Shqipëria të marrë një raport pozitiv sepse do të ishte një shpresë dhe një dritë jeshile për shqiptarët. Nga zyra e kryeministrit është shpërndarë një foto ku Rama me Kancelaren Merkel përshëndesin opinionin publik me dorën ngritur, ndërkohë që nga zyra e kryeministrit shpërndahet një foto më xhaketë të kuqe të Kancelares Merkel, dhe ndërkohë nga zyra e kancelares shpërndahet një foto me xhaketën blu”-tha Kryemadhi.
Mendoni që është bërë një manipulim fotosh nga ana e stafit të kryeministrit për takimin?
“Sigurisht, as nuk e kam pikën e dyshimit. Por nuk është ky problemi, a do i sjelli kjo bukë shqiptarëve më shumë. Kryeministri mendon se ne duhet të merremi sot me takimin e dështuar apo të suksesshëm me Kancelaren dhe të mos merremi me 400 milionë eurot që u vodhën dje në Parlamentin shqiptar. 400 milionë euro janë para që vidhen drejtpërsëdrejti nga xhepi I shqiptarëve. Dhe asnjëri nuk flet sot sesi u vodhën dje në Parlament 400 milionë euro”-ka deklaruar kryetarja e LSI./ Opinion.al E.Xh.
