Dëshmia e Agron Xhafës është lexuar në seancën e sotme gjyqësore në procesin “Babalja”.
Agron Xhafaj ka deklaruar se sulmet e deputetëve të PD janë bërë për të dëmtuar imazhin e vëllait të tij si Ministër i Brendshëm, ndërsa shton se nga përmbajtja e bisedës audio mendon se është Robert Veliu. Agron Xhafaj dëshmon se Veliu shkonte rregullisht dhe pinte kafe tek lokali i tij, teksa shton se i ka dhënë para borxh për të luajtur bixhoz. Xhafaj shprehet se mund të ketë folur me të por jo për gjërat që ai pretendon.
“Sulmet e deputetëve të PD janë për të dëmtuar imazhin e vëllait tim si Ministër i Brendshëm. Nga përmbajtja e bisedës audio mendoj se është Robert Veliu. Ai vinte rregullisht dhe pinte kafe te lokali im. I kam dhënë lekë borxh se luante bixhoz. S’ka qenë korrekt në kthimin e borxheve. Mund të kem folur me të por jo për gjërat që ai pretendon”, deklaron Agron Xhafaj.
Në seancën e sotme ka dëshmuar edhe sekretari i përgjithshëm Gazment Bardhi dhe prokurori Besim Hajdarmataj./Opinion.al
