Komisioni i Ekonomisë ka rrëzuar dekretin e Presidentit Ilir Meta për privatizimet. Ky dekret u rrëzua nga votat e maxhorancës, ndërsa ai tani do të kalojë për shqyrtim në Kuvend.
Bëhet fjalë për ligjin-“Për privatizimin dhe dhënien në përdorim shoqërive tregtare dhe institucioneve shtetërore të ndërmarrjeve apo objekteve të veçanta, mjeteve kryesore dhe mjeteve të xhiros së këtyre ndërmarrjeve”, miratuar me ligjin nr 9967, datë 24.72008 dhe ndryshuar me ligjin nr 3/2015.
Gjithashtu është rrëzuar edhe dekreti që kërkonte ridiskutimin e ligjit për “Për koncesionet dhe partneritetin publik privat” në diskutim janë dekretet për dy kontratat koncesionare për ndërtimin nga “Gjikuria” shpk si koncensionari, për projektimin, ndërtimin dhe mirëmbajtjen e rrugës “Porti i Jahteve By-pass Orikum-Dukat (ura e Shën Elizës).
Mbledhja është shoqëruar me debate dhe ndërprerje, por mazhoranca duket e vendosur të rrëzojë edhe dy dekretet e tjera të Presidentit Meta.
Kreu i komisionit të Ekonomisë Arben Ahmetaj ka ndërprerë për disa minuta mbledhjen për shkak të një debati me deputetin e opozitës së re, Alban Zeneli. Ky i fundit ka tentuar të ndërhyjë në debatet e komisionit si qytetar pa marrë pjesë në tryezë, gjë e cila nuk është lejuar nga Ahmetaj. Ai ka kërkuar ndërprerje të mbledhjes për disa momente.
Alban Zeneli: Mund të ndërhyj si qytetar i thjeshtë
Arben Ahmetaj: Po patjetër. Alban ose ulu merr pjesë në komision. Në këmbë nuk flitet
Alban Zeneli: Intimidime me deputetët mos bëj. Mos fol me mua ashtu. Nuk të pyes ty nëse ulem apo nuk ulem.
Arben Ahmetaj: Komisioni ndërpritet deri sa të vihet rregull./ Opinion.al
