Teksa fliste në Tepelenë, lideri i opozitës, Lulzim Basha, tha se premtimi i Ramës për shëndetësi falas për shqiptarët ishte një mashtrim pasi ai ua dha me koncesion oligarkëve, teksa shtoi se shqiptarët paguajnë më shtrenjtë se europianët për ilaçe të skaduara që nuk japin efekt, megjithëse premtoi ilaçe të lira e të sigurta.
Basha vuri gjithashtu në dukje se në vend të premtimit për uljen e taksave, Rama i rriti ato për më të varfrit dhe i uli për të pasurit, duke favorizuar oligarkët dhe duke falimentuar tregtarët e vegjël, teksa tha se duhet të ndalohet një orë e më parë zbrazja e vendit, projekti më i zi i Edi Ramës
“Rama premtoi shëndetesine falas për shqiptarët, por sot shqiptarët paguajnë më shumë se kurrë për shëndetësinë, sepse ai ua dha shëndetësinë me koncesion oligarkëve. Rama premtoi shëndetësinë falas, por shqiptarët sot duhet të të paguajnë shtrenjtë në spitalet e shtrenjta private që sot kontrollohen të gjitha nga një-dy persona në të gjithë Shqipërinë. Premtoi 300 mijë vende pune, por përzuri nga vendi më shumë se 300 mijë shqiptarë. Sot kriza ekonomike është problem numër 1 për çdo familje shqiptare, ndaj dhe prioriteti numër 1 për ne demokratët është t’i japim zgjidhje problemeve jetike për çdo shqiptar. Ta bëjmë këtë një orë e më parë dhe të ndalim zbrazjen e vendit, spastrimin e Shqipërisë nga shqiptarët e ndershëm, projektin më të zi të Edi Ramës”, theksoi në Tepelenë kreu i opozitës./Opinion.al
