Udhëheqësi i Iranit, Ayatollah Ali Khamenei, tha se Teherani do të hakmerret ndaj konfiskimit të cisternave nga ana e autoriteteve britanike, duke e cilësuar konfiskimin si “pirateri”.
“Republika Islamike dhe forcat e saja të përkushtuara nuk do ta lënë këtë djall pa një përgjigje”, citojnë mediat iraniane Khamenein.
Khamenei tha gjithashtu se Irani do të vazhdojë të zvogëlojë angazhimet e veta në kuadrin e marrëveshjes bërthamore të vitit 2015, nga e cila kanë dalë Shtetet e Bashkuara.
Ai akuzoi partnerët evropianë të marrëveshjes se nuk po përmbushin detyrimet e tyre, ndërsa vendet evropiane i kanë bërë thirrje Iranit, të mbetet i angazhuar ndaj marrëveshjes, dhe të ndryshojë kursin në të kundërten do të përballet me pasoja.
Cisternat iraniane u kapën me ndihmën e Marinës Britanike jashtë Gjibraltarit për shkak të dyshimeve se ishin duke shkelur sanksionet e Bashkimit Evropian, duke dërguar naftë në Siri.
Sekretari i Jashtëm britanik, Jeremy Hunt, tha se Britania do të “lehtësonte lirimin” e cisternës, nëse Teherani garanton se ajo nuk do të udhëtonte për në Siri, në kundërshtim me sanksionet e Bashkimit Evropian./ Opinion.al
