Pas miratimit të rezolutës ditën e enjte, maxhoranca pritet të depozitojë të hënën në Kuvend firmat e nevojshme që i duhen për nisjen e procedurave për shkarkimin e Presidentit Ilir Meta.
Qeveria nisi procesin e shkarkimit të presidentit, pas vendimit të tij për anulimin e datës 30 qershor për mbajtjen e zgjedhjeve lokale, gjë e cila është konsideruar shkelje të Kushtetutës nga mazhoranca.
Mësohet se deri më tani janë te paktën 50 deputetë socialistë ata të cilët kanë firmosur, me përjashtim të Pandeli Majkos dhe Fatmir Xhafajt.
Në radhët e ligjvënësve të cilët mbështesin shkarkimin e Metës janë shtuar edhe 15 deputetë të opozitës se re parlamentare.
Pas depozitimit të kërkesës me numrin e nevojshëm të firmave, do të aktivizohet komisioni i ligjeve, i cili do të vendos ngritjen ose je të komisionit hetimor që do të përcaktojë nëse Presidenti ka shkelur Kushtetutën.
Komisioni hetimor është i detyruar të thërrasë dhe të dëgjojë mendimin e Presidentit të Republikës në lidhje me propozimin e paraqitur.
Në përfundim të hetimit, paraqitet një raport që duhet të shqyrtohet në një seancë të veçantë brenda 20 ditëve e më pas është Kuvendi ai që voton për shkarkimin e Presidentit të Republikës me jo më pak se dy të tretat e të gjithë anëtarëve të tij, 93 vota dhe me votim të fshehtë.
Pas gjithë hallkave ligjorë që duhet të kaloj shkarkimi i presidentit, fjala e fundit i mbetet Gjykatës Kushtetuese e cila ende nuk është ngritur. Ky institucion është ai që do të vendos nëse presidenti duhet të shkarkohet ose jo./ Opinion.al E.Xh.
