Gjykata e Krimeve të Rënda ka dënuar me 35 vjet burg Çelnik Shahollin, i cili një vit më parë vrau gruan e tij.
I pandehuri u shpreh i penduar përpara gjykatësve duke thënë se ngjarja kishte ndodhur aksidentalisht pas një debati me bashkëshorte.
Megjithatë më herët në gjykatë ai kishte thënë: “E shtyva dhe kur ra në tokë ia përplasa kokën në dysheme disa herë”.
Shaholli, 43 vjec nga Maliqi i Korçës dhe me banim në Durrës, kishte 6 fëmije me gruan e tij Adriana Shaholli. Ai ishte i papunë dhe përdorues i rregullt i alkoolit. Konfliktet me bashkëshorten ishin të shpeshta për shkak të xhelozisë dhe kërkesës së tij të vazhdueshme që ajo të braktiste punën me të cilë mbante familjen.
Ngjarja e rëndë ka ndodhur rreth një vit më parë në banesën e tyre. Viktima gjeti vdekjen në spital nga plagët e marra në kokë si pasojë e dhunës. /Opinion.al
