Kryetarja e degës së PD-së në Ulëz ka reaguar në lidhje me djegien që ju bën dy makinave të saj mbrëmjen e djeshme.
Gjelina Kalthi e cilësoi ngjarjen si një sulm politik. Në prononcimin e saj për mediat ajo tha se i kishte bërë përshtypje që në vendin ku parkonte zakonisht makinën nuk kishte asnjë makinë të parkuar rreth e qark. Kjo gjë e bën atë të dyshojë se kjo ishte një ngjarje e përgatitur me prapavijë politike. Më tëj kryetarja e PD në Ulëz shtoi se ndihet e rrezikuar për jetën
“Pasi mbaruam mbledhjen u nisem drejt Ulzës në njësinë administrative bazë. Në Bashkinë e Matit jam ndalur me bashkëshortin dhe kemi darkuar te një kushëri i imi rreth orës 12 të natës kemi shkuar në shtëpi në Ulëz dhe para pallatit parkuam makinat si gjithmonë. Aty na bëri përshtypje që para pallatit nuk kishte asnjë makine të parkuar. Kjo na bën të mendojmë që është një skenar përgatitur politikisht dhe ndihemi të rrezikuar për jetën.” – tha zonja Kalthi. /Opinion.al
