Pesë deputetë do të lënë mandatin për të garuar në zgjedhjet e 30 qershorit. Bëhet fjalë për Pjerin Ndreun që do të lërë mandatin në Lezhë, Rakip Sulin në Tiranë, Ilir Xhakollin në Pogradec, Flamur Golemin në Gjirokastër dhe Nuri Belbën në Përrenjas.
Kështu pesë kandidatë nga listat e Partisë Socialiste do të bëhen shumë shpejt pjesë e Parlamentit. Mandatin e deputetit do ta marrë Drejtori i Postës Laert Duraj, që zëvendëson Flamur Golemin. Në Përrenjas, Desantila Tahiraj do të zëvendësojë Nuri Belbën. Kryetari i FRESSH, Eljo Hysko do të marrë mandatin e Rakip Sulit, duke u bërë deputet i Kamzës. Ardit Konomi do të zëvendësojë Ilir Xhakollin në Pogradec dhe Adriana Jaku, aktualisht zv/ministre e Shëndetësisë do të zëvendësojë Pjerin Ndreun./Opinion.al
