Përmes një deklarate për mediat Presidenti i Kosovës Thashim Thaçi u shpreh se BE e ka mashtruar Kosovën kur kërkoi ratifikimin e demarkacionit në këmbim të liberalizimit të vizave.
“Bashkimi Europian nuk ka bërë asgjë kontrete për Kosovën”.
Këtë deklaratë Thaçi e bëri pas samitit të Berlinit.
“Ekziston një opinion që samiti i Berlinit ka qenë një mundësi e mirë, por unë theksoj që ky samit është me interes dhe është diskutuar hapur për shumë çështje, apo për çështje që mund të hapen. Aty nuk ka dalë asnjë marrëveshje përfundimtare Kosovë-Serbi, sikurse nuk është mbyllur së diskutuar asnjë ide. Do të thotë të gjitha alternativat janë të hapura për arritjen e një marrëveshjeje historike përfundimtare mes dy vendeve sovrane dhe të pavarura”,-u shpreh Presidenti Thaçi.
Gjithashtu ai theksoi në fjalimin e tij ka bërë të qartë se nuk është bërë asgjë konkrete për Kosovën.
“Ajo që kam theksuar është se faktori ndërkombëtar në mënyrë specifike SHBA, Anglia, Franca dhe Italia nuk kanë dëshmuar unitet dhe përkrahje unike në përpjekjet tona për arritjen e një marrëveshje gjithëpërfshirëse që do të përfundonte me njohje reciproke. BE ka hequr vizat për Bosnjën, e këta të fundit nuk e kanë bërë këtë edhe nëse BE heq vizat për Kosovën, në Bosnje nuk do të ndryshojë situata. Jo pa qëllim përmenda dhe çështje që i kam qëndruar në fund si konkluzione të qëndrimeve të Kosovës që dalin në platformat e parlamentit të Kosovës. Qëndrimet tona kanë qenë shumë të qarta sa i përket të gjitha çështjeve, dialogut, të ardhmes euroatlantike. Sa i përket fokusit tonë kryesor, sepse fokusi kryesor në takimin e Berlinit ka qenë si të bindet kancelaria Merkel dhe Presidenti Macron që të na mbështesin për liberalizimin e vizave. Mendoj se mesazhi që kemi dërguar ka qenë shumë i qartë. Ne i kemi plotësuar të gjitha kërkesat e juaja, të gjitha kriteret e nevojshme”,-përfundoi Thaçi./Opinion.al/
