Ditën e sotme policia arrestoi shtetasin kosovar Ragip Haxhiajdini, i cili dyshohet si një nga personat e përfshirë në grabitjen e 9 prillit në aeroportin e Rinasit.
Mësohet se Ragip Haxhiajdini është me precedentë penalë edhe në Kosovë, pasi akuzohet si i dyshuar për grabitjen e 25 kg ar nga Dhoma e Dëshmive në Policinë e Pejës.
Grabitja e arit është kryer në vitin 2012, dhe sipas së “Eulex”-it, kjo grabitje është kryer përgjatë 3 muajve.
Ari i grabitur dyshohet të jetë nxjerrë prej ambienteve policore nga një toger, ndërsa më pas është bërë shkrirja e tij dhe përmes pikës kufitare të Vermicës është nisur drejt Turqisë.
Lidhur me këtë ngjarje pati 6 të dyshuar nën hetim, prej të cilëve dy ishin policë./ Opinion.al E.Xh.
