“New IRA”, grupi i disidentëve republikanë që frymëzohet nga “IRA”, organizata tashmë jo aktive që ka luftuar rreth 30 vite për pavarësinë e Irlandës së Veriut, ka pranuar se ka vrarë gazetaren 29-vjeçare Lyra McKee gjatë përplasjeve me policinë ditën e enjte në Londonderry.
Grupi i ka kërkuar formalisht falje familjes së gazetares, duke thënë se McKee “u vra në mënyrë tragjike, pasi ndodhej pranë forcave armike”.
Gjatë protestave të së enjtes, McKee ndodhej pranë një makine policie kur u godit me plumb në kokë. Protestuesit hodhën edhe bomba molotov ndaj automjeteve të policisë, duke i vënë flakën disave për tyre./Opinion.al
