Përplasje në burgun grek të Trikalasë. Sipas mediave helene një i burgosur shqiptar ka vrarë një të burgosur grek.
Trikalaola.gr raporton se nga sherri ka humbur jetën një grek 66-vjeçar, ndërsa autori është një 55-vjeçar shqiptar.
Ky i fundit ishte dënuar pak muaj burg, për shkelje të kufirit, ndërsa i moshuari grek ishte burgosur pasi ishte kapur me një sasi të vogël droge.
Të dy do të dilnin për pak kohë, pasi dhe dënimet kanë qenë të vogla.
Referuar mediave greke që citojnë zyrtarë të burgut, shqiptari i ka përplasur kokën pas murit grekut dhe kjo i shkaktoi vdekjen e menjëhershme.
Kur erdhi ambulanca, mjekët konstatuan se 66-vjeçari kishte humbur jetën./Opinion.al
