Një makinë është përfshirë nga flakët ditën e sotme brenda tunelit të Thirrës në Kalimash.
Dyshohet se shkaqet e djegies së makinës me targa të Kosovës janë teknike. Ndërkohë, në vendngjarje kanë mbërritur zjarrfikësit për të vënë flakët nën kontroll.
Mësohet se nuk pati persona të lënduar, por vetëm dëme materiale pasi drejtuesi i mjetit doli në kohë pasi evidentoi flakët që vinin nga pjesa e përparme e makinës.
Për shkak të këtij incidenti, lëvizja në tunel u bllokuar për rreth 30 minuta, ndërsa më pas lëvizja vijoi normalisht./ Opinion.al E.Xh.
