Bashkia e Madridit ka gjetur një mënyrë tepër origjinale për të pastruar parkun “Casa de Campo”, i cili shtrihet në 1,722 hektarë. Aty janë vërshuar mbi 500 dele, të cilat do të pastrojnë në mënyrë natyrale parkun e madh duke reduktuar edhe mundësitë për zjarr. Gjithashtu, qëllimi i bashkisë së Madridit ka qenë që banorëve të kryeqytetit spanjoll t’u tregohet edhe diçka mbi jetën në fshat.
“Në vend që të përdorim makineritë, kemi sjellë delet që as e dëmtojnë dhe as kontaminoje tokën. Plehu i deleve madje i jep një dorë edhe fertilizimit të saj, ndërsa duke ecur ato shpërndajnë dhe farat nëpër park”, sqaroi Beatriz Garcia San Gabino, e cila drejton sektorin e hapësirave në gjelbra në Madrid.
Delet kanë edhe barinjtë përkatës, të cilët i drejtojnë nëpër park. Njëri prej tyre tha se kjo gjë ka ngjallur shumë kuriozitet te njerëzit, shumë prej të cilëve afrohen për t’i prekur nga afër. “Të gjithë afrohen që t`i prekin. Shumë prej tyre e kuptojnë se delet ndihmojnë në pastrimin e parkut, ndërsa fëmijët janë shumë kureshtarë dhe kërkojnë t’i shohin nga afër”, u shpreh njëri prej barinjve./Opinion.al
