Djali i ish-presidentit Bujar Nishani, Ersilio, ka hequr dorë nga shtetësia shqiptare. Kjo vërtetohet në dekretin e 18 marsit të publikuar në fletoren zyrtare, numër 36 të këtij viti.
Teksa në disa media kjo u përdor për politikë, ka bërë që të reagojë dhe ish-presidenti, i cili tani mban postin e kryetarit të Këshillit Kombëtar të PD.
“Im bir jeton prej afro 10-të vitesh në Austri dhe është aktualisht një prej studentëve të shkëlqyer në Universitetin e Mjekësisë së Vienës, ku prej disa vitesh ka fituar edhe statusin e asistent/pedagogut. Shteti Austriak i ka dhënë nënshtetësinë austriake por kanë rregullin që nuk lejohet dy shtetësia”, shkruan ish-Presidenti.
Nishani thotë së fëmijët e tij kurrë nuk kanë përfituar, as kanë marrë para të vjedhura apo para të krimit të organizuar./Opinion.al
