Në 22 dhjetor të vitit 2017, i riu Selman Alija vrau me çekiç të atin. 29-vjeçari, i cili vuan nga disa probleme me dëgjimin dhe të folurën, doli këtë të martë para togave të zeza ku tregoi dhe arsyet pse vrau të atin.
Ai ka treguar se jeta për të nuk ka qenë e lehtë, pasi jetonte me një prind që e dhunonte fizikisht e psikologjikisht dhe merrte çdo vendim për të, duke përfshirë këtu edhe fejesën pa dëshirën e tij.
Ky ishte dhe shkaku pse mes tyre nisën debatet që arritën deri në krimin e rëndë. Siç dëshmoi në sallën e gjyqit prokurori i çështjes ngjarja ka ndodhur për motive morale.
Nervat e të riut duket se nuk kanë mbajtur më, pasi i ati i kishte kërkuar që pasi i biri të martohet të ndanin së bashku intimitet me gruan e të birit, pasi Fejzi Aliaj ishte pa bashkëshorte, sepse ishte divorcuar disa herë për shkak të natyrës konfliktuale që kishte.
Pasi e ka goditur disa herë me çekiç më pas e hedhur trupin e të atit në ujërat e liqenit të Farkës./Opinion.al
