Pas muajsh të tërë zërash se këngëtarja e njohur Jennifer Lopez është lidhur në fejesë me partnerin e saj prej dy vitesh Alex Rodriguez tashmë duket se çdo gjë është e vërtetë.
Ka qenë vetLopez, e cila ka publikuar në rrjete sociale një foto ku ka treguar unazën e fejesës në një perëndim dielli romantik.
Krahas fotos ajo nuk ka vendosur asnjë koment tjetër, por vetëm disa zemra të kuqe, ndonëse unaza i thotë të gjitha. Vetëm para pak kohësh çifti festoi 2-vjetorin e lidhjes së bashku ku këngëtarja dhe aktorja e njohur, publikoi një sërë fotosh nga momentet e tyre më të bukura bashkë.
Lopez nuk e ka pritur një propozim të tillë, të paktën jo deri në nëntor të vitit që lamë pas kur u pyet nga prezantuesja Ellen DeGeneres për këtë fakt.
Asokohe ajo u përgjigj se nuk e dinte se kur do të martoheshin, por që ishin shumë të lumtur me njëri-tjetrin. Në eventet më prestigjioze, por edhe në postime në rrjete sociale çifti është parë gjithnjë në shoqërinë e njëri-tjetrit./Xh.K/Opinion.al/
