Pesë arsye jep analisti Baton Haxhiu, për vendimin e opozitës për të djegur mandatet. Nga emisioni Zonë e Lirë, në Tv Klan ai tha se: “Arsyeja e parë janë pamundësia për t’u përballur me mazhorancën, e dyta pamundësia për të fituar zgjedhjet lokale, e treta është që PD ta humbi liderin pas zgjedhjeve lokale, arsyeja e 4-tërt ka të bëjë me LSI sepse ajo rrezikonte që mos të fitonte asgjë në zgjedhjet lokale dhe arsyeja e 5 është doktori si zakonisht. Mendoj që kjo është një dalje e doktorit nga skena politike”.
Por për analistin Armand Shkullaku vendimi i opozitës është se deri në këtë pikë, PD e kishte humbur mundësinë që shqiptarët t’i besonin nëpërmjet fjalës, ndaj i duhej një akt dramatik.
“Kjo retorikë që nuk kemi opozitë e është e paaftë, e kemi dëgjuar në shumë vende dhe Shqipëria në të gjitha vlerësimet është një shtet i shpallur me demokraci hibride, të cilat janë zakonisht regjimet. Popullit nuk i lihet shumë zgjedhje kur t’i kontrollon gjithë paranë, ke ministra të akuzuar për trafik ndërkombëtar droge që i mbron me vota. Pra ideja se Basha nuk e mund dot Ramën në zgjedhje, bie”. / Opinion.al
