Një ortek i rënë në alpet zvicerane dyshohet se ka zënë poshtë një grup skiatorësh. Zyrtarët e policisë kanë konfirmuar se orteku ka rënë në në një resort të njohur skijimi në Crans-Montana rreth orës 14:15 me orën lokale.
Sipas “BBC” mediat lokale tregojnë se deri në 12 njerëz mund të jenë zënë poshtë nga orteku, ndërkohë që raportohet se qentë nuhatës dhe të paktën dy helikopterë shpëtimi janë në vendngjarje të angazhuar në gjetjen e të humburve prej disa orësh.
Moti në zonë ka qenë i ngrohtë ditët e fundit dhe kjo mund të ketë sjellë shkrirjen e dëborës, megjithatë, rreziku i orteqeve në rajon nuk është i lartë.
Vendpushimet e skijimit në Zvicër pritet të jenë më të frekuentuara se zakonisht këtë javë për shkak të pushimeve gjysmëvjetore që kanë shkollat./E.M
