Dy shqiptarë kanë vdekur në një kohë të shkurtër në burgun grek të Koridhalosit. Albert Bako dy javë më parë Bandiol Tushaj, një ditë më parë.
Të dy ishin duke vuajtur dënimin për ekzekutimin e avokatit të njohur grek, Mihalis Zafiroplulos. Bako ka qenë njëri prej atentaorëve, ndërsa Tushaj personi që strehoi Bakon dhe Ibrahim Ibrahimaj në banesën e tij në lagjen Kalithea.
Deri më tani është thënë se Tushaj ka vdekur nga mbidoza, por kjo duket se është e dyshimtë, pasi viktima ka qenë përdorues droge prej 3 vitesh dhe nuk mund të ngatërronte dozat e heroinës.
TCH raporton se Tushe është hequr qafe nga banda e ciganeve në burgun Koridhalos, sikundër edhe Bako.
Ndërsa shqiptari tjetër Lekocaj, më herët ka denoncuar tentativë helmimi brenda në burg.
Në të gjitha rastet, gishti tregohet kundër Ibrahim Hibrahimaj, personi që ekzekutoi avokatin grek Zafiropulos, dhe kreu me dorën e tij, vrasjen e Albert Bakos në oborrin e Koridhalos.
Por a është kreu i bandës së ciganëve në burgun e Koridhalos, Ibrahim Ibrahimaj, urdhëruesi i vdekjeve të pjesëtareve të bandës së Bakos, apo ai është përdorur prej organizatës kriminale të Aristides Floros?
Ky i fundit është një biznesmeni grek, kreu i një organizate kriminale, që grabiti nëpërmjet një skeme mashtrimi 260 milionë euro nga shteti grek, e në vazhdim, urdhëroi Bakon dhe njerëzit e tij, të heqin qafe avokatët e shtetit të cilët e kishin zbardhur këtë skeme dhe e çuan në burg, raporton TCH.
Askush nuk mund ta thotë me siguri këtë, por ajo çka dihet, është fakti që viktima të kësaj lufte shume milionëshe, janë kriminelë shqiptarë të nivelit të ulët, të cilët përdoren për të larë hesapet mes aferave milionëshe të organizatave kriminale greke.
/Ri-De
