Kur duhen edhe pesë ditë që të mbushet viti nga vrasja e shtetasit Devi Kasmi në rrugën “Kongresi i Manastirit” në Tiranë, Prokuroria e Krimeve të Rënda ka mbyllur hetimet duke ngritur akuzën ndaj 5 të pandehurve.
Prokurori i çështjes Besnik Muçi, ka ngritur pesë akuza ndaj shtetasit grek Efthymios Efthymious i cili akuzohet si ekzekutor si edhe ndaj Aurel Hoxhallarit i njohur ndryshe si Altin Hoxhallari, Elton Habilajt, Marvin Dinellarit dhe Elton Hoxhallarin, të cilët do të përgjigjen për “Vrasje me paramendim”, “Prodhimit dhe mbajtjes pa leje të armëve dhe municioneve luftarake”, “Prodhimit dhe shitje të lëndëve narkotike” dhe “Moskallëzim krimi”, të kryera në kuadrin e “grupit të strukturuar”.
Në mbyllje të dosjes hetimore, Prokuroria ka konkluduar se shtetasit e mësipërm e kanë planifikuar vrasjen disa muaj para se ta ekzekutonin Devi Kasmin, mbrëmjen e 29 janarit 2018, poshtë banesës së tij.
Shtetasi grek Efthymios Efthymious, ish-efektiv i Forcave Speciale në Greqi, ka mohuar akuzat e ngritura ndaj tij për vrasjen e Kasmit.
Nga zbardhja e kamerave të rrugës, sipas Prokurorisë ka qenë një furgon I bardhë që ka marrë ekzekutorin grek fill pasi ka kryer krimin.
Më tej ka qenë një shtetas nga Fushë-Kruja që ka deklaruar se furgonin ua ka shitur shtetasve Elton Halipaj dhe Malvin Dinellari.
Kjo ka qenë përcaktuese për prokurorët për të rënë në gjurmë të grupit që bazën e kishte në Yrshek të Tiranës, ku organizator I atentatit thuhet se është shtetasi Aurel Hoxhallari, që mbetet në kërkim edhe sot.
Ku dyshohet se motive I ekzekutimit është larja e hesapeve për konfliktet e lindura për prishje të pazareve të drogës.
