Shkrimtari Marsel Prust sfidoi një kritik letrar, në një duel. Gjithçka filloi kur Jean Lorrain, me prirje homoseksuale, akuzoi shkrimtarin Marsel Prust që kishte pasur një marrëdhënie homoseksuale me botuesin e librave të tij.
Marrëveshja zyrtare u bë, dhe u ra dakord që dueli do të mbahej në vendin tradicional ku mbaheshin duelet në Paris, në pyllin e Meudonit, më 5 shkurt 1897.
Dita e duelit ishte e ftohtë dhe me shi. Të dy morën pozicionet e tyre, u përballën me njëri-tjetrin dhe tërhoqën pistoletat.
Prusti qëlloi i pari. Plumbi goditi tokën pranë këmbës së Lorrain. Lorraine pastaj mori shenjestër dhe qëlloi drejt shkrimtarit. Por as ai nuk qëlloi në shenjë. Pas kësaj dëshmitarët ranë dakord se me këtë duel, nderi i Prusti shkoi në vend. Gjithsesi ai dhe Lorrain do ta urrenin njëri-tjetrin përgjithmonë, por dueli i cili u raportua aso kohe dhe në gazeta, e mbylli njëherë e mirë armiqësinë publike mes tyre.
Prust tregoi “një freski dhe qëndrueshmëri, tri ditë para duelit, që nuk përputhej me nervat e tij” shkruante miku i tij.
Vetë Prust shkroi në vitin 1904: “Më kujtohet kur luftova me M. Lorrain, një kohë kur nuk e kisha vendosur akoma si do e shpenzoja ditën, dhe shqetësimi im i vetëm ishte pse dueli nuk u zhvillua perpara mesdite.”/E.M
Burimi: Today I Found Out
