Ata kanë filluar të tregojnë live në televizion për vrasësit, torturën dhe abuzimin seksual ndaj grave dhe fëmijëve, sikur të mos kishte ndodhur asgjë, duke tmerruar audiencën në shtëpi dhe në studio.
Por, televizionet turke morën edhe duartrokitjet e publikut për ndërhyrjen e policisë, që në mes të talk- show arrestuan Ustael Tuncer, gruan e tij dhe pesë anëtarë të tjerë të familjes. Fëmijët i kishte bërë të besonin se është një “hoxhë”, një mësues islam i pajisur me fuqi mbinatyrore, në gjendje për të ndikuar në veprimet e njerëzve – duke marrë bashkëfajësinë për të kryer një seri krimesh monstruoze që kanë vazhduar pandërprerë për 10 vjet, nga dita e dasmës në vitin 2008.
Familja Palu – që e ka origjinën nga Izmiti, 100 km nga Stambolli, tashmë quhet nga mediat lokale “familja e tmerrit” dhe akuzohet për një varg krimesh: vrasje, abuzim me fëmijët, dhunë në familje dhe rrëmbim.
Agjentët nuk kanë luftuar për të mbledhur prova, por për të rrëfyer krimet ishin vetë familjarët të ftuar në studio dhe kjo ishte e mjaftueshme për të dëgjuar historitë e tmerrshme të dinamikave të tyre familjare dhe për të rihapur dosjen e “njeriut të shenjtë” dhe arrestimin në transmetim.
Ustael tashmë ishte dënuar një herë, në vitin 2014, për sulme dhe plaçkitje ndaj një të afërmi skeptik ndaj aftësive të tij paranormale.
Por akuzat më serioze kundër tij – vrasja dhe përdhunimi – u ndërtuan pasi katër anëtarë të familjes dëshmuan për ta liruar atë. Rasti u kthye në qendër të vëmendjes muajin e kaluar, kur dy anëtarë të familjes vendosën të merrnin pjesë në shfaqjen e mirënjohur nga prezantuesi Müge Anli.
Përfundimi ishte episodi i mërkurës së kaluar, kur mes habisë së dirigjentëve dhe spektatorëve, dolën prapa skenave policët me pranga.
“Ne jemi të pafajshëm, ne nuk varrosim askënd”, mbrojti “hoxha” gruan e tij, teksa ajo u zvarrit në stacionin e policisë me burrin e saj, i cili akuzohet për vrasjen e të paktën tre personave dhe përdhunimin e katër fëmijëve dhe që kishte arritur ta fshihte skandalin gjithë këtë kohë, pikërisht falë mosveprimit të viktimave të njëjta të nënshtruara psikologjikisht nga aftësitë e tij të fshehta ezoterike.
Dy gra, një nënë dhe një vajzë, ende mungojnë, ndërsa tre anëtarë të tjerë të familjes po trajtohen në një spital psikiatrik, nën tronditje nga tortura që vuanin.
(gazeta-Shqip.com)
