Gazetarët e terrenit në “Ora News” raportojnë për rrugë të bllokuara nga bora në mbarë vendin. Ndryshe nga Autoriteti Rrugor Shqiptar që thotë se firmat kontraktuese po punojne me borë-pastruese, gazetarët thonë se rrugët kalohen me veshtiresi vetem me zinxhirë dhe borë-pastrueset nuk shihen gjëkundi. Kështu rruga nacionale Lezhe-Shkoder paraqiti problematike qe ne oret e mengjesit, ku per pasoje nje furgon doli nga rruga. Problematike është dhe rruga Tepelene-Gjirokaster ne skajin jugor te vendit.
Po kështu, aksi rrugor Ersekë-Leskovik vijon të mbetet problematik për shkak të borës së rënë.
Rruga është e kalueshme vetëm me zinxhirë, teksa trashësia e borës ka arritur mbi 30 cm.
Raportohet se nuk është marrë asnjë masë për pastrimin dhe kriposjen e rrugës.
Dëbora ka krijuar probleme në askin rrugor Qafë Buall-Peshkopi. Rruga kalohet me shumë vështirësi dhe me zinxhirë.Ndërsa nuk ka asnjë polic rrugor dhe borëpastruese për të pastruar rrugën e për të hedhur kripë.Disa makina kanë mbetur të bllokuara në rrugë.
Edhe në fotot që publikon policia rrugore, duket qartë se rrugët janë të zëna nga bora, ndaj e vetmja këshillë është përdorimi i zinxhirëve.
