Vetëm një ditë më parë, shtetasi shqiptar Shaban Caca u dëbua nga Italia, pasi sipas autoriteteve italiane përhapte mesazhe antisemite kundër Krishtlindjes, në profilin e tij në fcb.
Por Shaban Caca në një intervistë për Faxneës, është shprehur i habitur për dëbimin nga shteti italian.
Caca tha se ka që nga viti 2014 që jeton në Itali në zonën e Padovas.
Sipas tij lajmet që janë thënë për të në media janë të pavërteta.
Ai u shpreh se nuk ka asnjë lidhje me terrorizmin, ndërsa pranon se është një besimtar predikues i fesë islame.
Caca i bën apel shtetit Italian që të tërheqë vendimin, ndërsa thotë se nuk është lejuar që të flasë në gjyq, i cili nuk ka zgjatur më shumë se 5 minuta.
‘’Kam jetuar që prej viti 2004 në Padova, jam i habitur me lajmin që është shpërndarë në mediat italiane dhe ato shqiptare. Kjo ka ndodhur para tetë ditësh, kur antiterrori i Padovas është paraqitur në shtëpinë time, me një mandate arresti të adresuar për një person tjetër, me të cilin jam shok. Nuk kam dëshirë që ta them emrin e personit, pasi nuk dua që ai të përfshihet, na kanë arrestuar në shtëpi.
Unë kam qenë për orë me radhë që nuk e kam dit se pse policia po më merrte, pasi isha në marrëdhënie pune, dhe prisja të shkoja në punë. Në 20 Dhjetor komandanti i kuesturës më ka dhënë disa letra ku akuzohesha se përbëja rrezik për shoqërinë italiane. Familja ime ka që nga viti 2004 që jeton në Padova, unë skam pasur asnjë lidhje me imamë të arrestuar. Unë kam qenë pjesë e xhamive, po nuk kam pasur asnjë kontakt me imamë të arrestuar”, u shpreh Caca.
