Kryetari i Partisë Demokratike, Lulzim Basha, duke foluar nga protesta e banorëve të “Unazës së Re”, është shprehur se ditën e nesërme do të publikojë aferën e radhës.
Në këtë aferë sipas Bashës janë të përfshirë dyshja Rama-Veliaj, të cilët kanë devijuar projektin me qëllim që të favorizojnë biznesmenin Edmond Bego.
Sipas Bashës, Bego do të ndërtonte aty pallate pasi të prisheshin banesat e banorëve të “Unazës së Re”
“Këtu ku qëndrojmë ne sot është vjedhja. Nuk janë mjaftuar thjesht dhe vetëm me një tendër korruptiv, as me pastrimin e parave të pista, por për të çuar deri në fund fjalën e tyre kanë dashur të prishin shtëpitë e mbi një mijëra familjeve vetëm se përfituesi i kësaj afere kriminale ta çonte deri në fund planin e tij. Kjo që them sot nuk është vetëm një gisht akuze ndaj Edi Ramës se i vetmi njeri që i ka nën kontroll të gjitha institucionet dhe t’ja lidhe gojën sytë e veshët Arta Markut, këtë person e kanë kuptruar fare mirë se kush është.
Nesër opozira do publikojë një pjesë tjetër po kaq të errët të kësaj afere, se si Rama Veliaj së bashku me figurat e krimit kanë devijuar planin urbanistik, për të ndërtuar pallate shhumëkatëshe”.
Basha tha më tej se emri i këtij biznesmeni është Edmond Bego.
“Ky biznesmen është i afërt me kupolën e Partisë Socialiste dhe i dënuar me 21 vite për trafik droge. Ai është Edmond Bego, e mbani mend emrin e tij. Mos veprimi i Prokurorisë tregon kapjen nga Edi Rama. Në kushtet kur Prokuroria nuk vepron, qytetarëve u ka mbetur vetëm rruga e protestës”- tha Basha.
