Kryeministri Edi Rama lajmëroi se ka zhvilluar një takim këtë të hënë me studentë dhe pedagogë të fakultetit të Gjeologjikut.
Përmes një postimi në rrjetet sociale pas takimit, kreu i qeverisë shprehet se, “pati një bashkëbisedim të dobishëm për dialogun’.
“Faleminderit për mikpritjen grupit të studentëve dhe pedagogëve të Gjeologjikut, me të cilët patëm një bashkëbisedim të dobishëm për Dialogun(e në fakt zhvilluam vetë Dialogun). Mësova gjëra të reja prej tyre, mbase edhe ata e kuptuan mirë se ku e kam hallin unë. Nesër vazhdojmë”, shkroi Rama në Twitter.
Faleminderit për mikpritjen grupit të studentëve dhe pedagogëve të Gjeologjikut,me të cilët patëm një bashkëbisedim të dobishëm për Dialogun(e në fakt zhvilluam vetë Dialogun)?Mësova gjëra të reja prej tyre,mbase edhe ata e kuptuan mirë se ku e kam hallin unë?Nesër vazhdojmë?
— Edi Rama (@ediramaal) December 17, 2018
Nga ana tjetër, Unioni Studentor i Fakultetit të Gjeologjisë dhe Minierave, bën me dije se asnjë student nuk ka marrë pjesë me pëlqimin e tyre, në atë takim të turpshëm, i cili u zhvillua në ambientet e fakultetit.
Sipas tyre, nuk ka negociata dhe protesta vazhdon, duke i bërë thirrje kështu gjithë studentëve, anembanë vendit, të vazhdojnë protestën e tyre legjitime deri në anulimin e ligjit në arsim, si pikënisje për plotësimin e të gjitha kërkesave.
Mësohet se takimi i kryeministrit Edi Rama me pedagogët e Fakultetit të Gjeologjisë dhe Minierave u realizua pa praninë e kamerave.
