Skandali i kompanisë fantazmë Dunwell Haberman, e cila u shpall fituese në tenderin për Unazën e re, duket se po merr përmasa edhe më të rënda.
Portali “SYRI.net” publikoi një dokument zyrtar që tregoon se vetëm një muaj më parë, Operatori i Sistemit të Transmetimit i ka dhënë kompanisë offshore nga Delaware, përmes degës së saj në Tiranë “DH Albania”, një tender me vlerë 12 milionë euro.
Bëhet fjalë për ndërtimin e linjës 220 kilovolt Burrel-Peshkopi dhe traktin dalës të nënstacionit të Burrelit, një nga tenderat më të mëdhenj të zhvilluar nga OST gjatë këtij viti.
Sipas dokumenteve të siguruar nga Agjencia e Prokurimeve Publike, tenderi është zhvilluar në Nëntor dhe “Dunwell Haberman Albania” e ka fituar atë me 100 për qind të vlerës limit.
Fondi limit për ndërtimin e linjës Burrel-Peshkopi ishte përcaktuar 1 miliardë e 447 milionë lekë dhe po me këtë çmim është fituar nga “DH Albania”.
