E martë, 27 nëntor 2018
Sipas MeteoAlb vijon moti i paqëndrueshëm ku vranësirat dhe shirat mbeten në të gjithë vendin, më të dukshme në zonat veriperëndimore dhe pjesërisht në qender. Ne verilindje të territorit priten reshje dëbore. Pasditja dhe mbrëmja do të mbeten në të njëjtat kushte atmosferike me vranësira dhe reshje shiu e dëbore ku më të dendura do të jenë në jug dhe juglindje të territorit.
Temperaturat e ajrit do të ulen ndjeshëm në vlerat minimale dhe ato maksimale duke luhatur vlerat ekstremale ditore nga 3 në 19°C.
Era do të fryjë mesatare dhe e fortë shpejtësi mbi 55 km/h nga drejtimi Jugperëndimor duke gjeneruar në det dallgëzim 5 ballë.
E mërkurë, 28 nëntor 2018
Sipas MeteoAlb, orët e para të ditës do të dominohen nga kthjellimet dhe vranësira të herë pas-hershme, më të dendura vranësirat paraqiten në zonat veriore dhe ekstremin Jugor duke rrezikuar shira te izoluar si edhe reshje te pakta debore ne zonat verilindore – juglindore. Pasditja sjell përmirësim të kushteve atmosferike duke bërë që moti të jetë kryesisht i kthjellët me vranësira të shpeshta.
Temperaturat e ajrit do të pësojëe sërish rënie në të dy vlerat ekstremale të dites duke bërë që mëngjesi të ulet deri -2 °C dhe mesdita te arrije deri në 19°C.
Era do fryjë mesatare në tokë dhe në det me shpejtësinë 35 km/h nga drejtimi verilindore për pasojë në det gjenerohet dallgëzim 2 ballë.
