Javës që shkoi shkaktoi shumë zhurmë një situate në emisionin “Xing me Ermalin”. I ftuar ka qenë vlogger-i Nas Daily. Ai erdhi në emision i shoqëruar nga e dashura e tij, Aline dhe Arbër Hajdari. Kur erdhi rradha e pyetjes së Kejvinës, Aline shpërtheu në të qara dhe filloi të ofendonte shqiptarët. Mesa duket, izraelitja nuk e përballoi dot pyetjen e Kejvinës edhe pse ish vënë në dijeni që është provokative.
Megjithatë situata mes tyre në studio u qetësua dhe Aline tha “Hiqi gjërat që thashë për shqiptarët, më pëlqen Shqipëria,” gjë që moderatori i emisionit nuk e bëri. Por një javë pas momentit të sikletshëm, ende përflitet në rrjetet sociale. Përdoruesit dhe ndjekësit e emisionit u ndanë në dy grupe: një pjesë mbështesnin Aline, duke thënë se Kejvina e trajtoi si objekt seksi. Një pjesë mbështesnin Kejvinën duke thënë se reagimi i Aline ishte i tepruar.
Kur kishte të ftuar gazetaren Anila Basha, Ermali e solli sërish në vëmendje. “Si moj shkruajtën për këtë që është e paedukatë, si ja bëri atë pyetje, e trajtoi si objekt seksi,” i tha Mamaqi Bashës. Kjo e fundit u përgjigj që pyetja nuk ishte aq ofenduese sa të meritonte atë reagim. Në këtë moment ndërhyn Kejvina:
“S’ka gjë, s’ka gjë se do iki unë tek ato, do i fus një të shame”. Duket se velinës së “Xingut” i ka ardhur në majë të hundës me kritikat në rrjete sociale. E nëse Nas dhe Aline do e bëjnë ndonjëherë pjesë të videove të tyre, Kejvina paska në plan t’i shajë./Opinion.al
