Një marrëdhënie në distancë është e vështirë për t’u mbajtur e gjallë për një kohë të gjatë. Thonë se ku ka dashuri, mjafton për ta çuar përpara këtë lidhje. Mirëpo, ndonjëherë nuk mjafton vetëm dashuria, pasi kur e ke personin larg syve, sikur është edhe larg zemrës. Në fakt ka teori të ndryshme për lidhjet në distancë, por nëse jeni në situatë të tillë, atëherë ju intereson ta lexoni këtë artikull. Kur partneri/partnerja ndodhet larg jush, konfliktet janë më të shpeshta, pasi mungesa e tij/saj në jetën e përditshme është disi shqetësuese.
Për shkak të distancës, çifti ftohen me njëri-tjetrin dhe madje kalojnë edhe kriza në marrëdhënie: nëse duan apo jo që ta vazhdojnë lidhjen. Nëse e doni atë, por pengesa juaj e madhe janë kilometrat, atëherë ne do t’ju japim disa këshilla se si ta bëni të funksionojë një marrëdhënie në distancë edhe kur po kaloni një krizë në romancën tuaj:
Mos i kërkoni një pauzë
Ndonjëherë për t’u qetësuar të dyja palët, njëri nga partnerët kërkon një pauzë të shkurtër ose të gjatë: pra për të mos folur as takuar për një kohë të caktuar. Mirëpo, kjo gjë mund t’ju ndajë përfundimisht. Ju larg njëri-tjetrit jeni dhe nëse reshtni se foluri së bashku, lidhja juaj do të shuhet plotësisht. Pauza nuk është një ide e mirë për një lidhje në distancë.
Mos shkoni direkt tek ndarja
Kur diçka nuk shkon mirë në një lidhje në distancë, kryesisht çiftet mendojnë ndarjen. Pse? Fakti që janë larg e bën edhe më të “lehtë” ndarjen. Praktikisht ata janë larg njëri-tjetrit dhe sapo ndodh një gabim, njëri kërkon ndarjen. Mendohuni më gjatë, pasi fundja keni sakrifikuar gjatë për këtë lidhje në distancë.
Planifikoni një udhëtim së bashku
Nëse lidhja juaj është në krizë, atëherë planifikoni një lidhje së bashku. As në vendin ku jeton ai, as në vendin ku jetoni ju, por diku larg shkoni të dy bashkë dhe qëndroni disa ditë vetëm ju të dy. Do t’ju bëjë mirë!
Flisni gjatë gjithë kohës
Një marrëdhënië në distancë, armë të fortë ka komunikimin. Nëse ju të dy as nuk komunikoni, po humbisni kohën duke pretenduar se jeni në një lidhje. Ne ju këshillojmë të flisni me partneren/partnerin, tregoni çdo gjë që ndodh në jetën tuaj, pasi ashtu do ta ndjeni më pak mungesën e atij/asaj.
Bëni një surprizë
Ju ka marrë malli dhe keni mundësi për ta vizituar?Merrni makinën, autobusin, prisni biletën e avionit dhe shkoni për ta vizituar. Ndonjëherë një surprizë mund të rregullojë marrëdhënien e tensionuar mes jush.
