Skandali i privatësisë së Cambridge Analytica e “shkundi” fort Facebook-un për muaj të tërë. Në atë kohë bashkëthemeluei i WhatsApp, Brian Acton, publikisht i bëri thirrje njerëzve të fshijnë Facebook-un. Kjo nuk do të ishte e pazakontë nëse Brian nuk do t’ja kishte shitur WhatsApp-in Facebook-un për rreth 20 miliard dollarë 4 vite më parë.
https://twitter.com/brianacton/status/976231995846963201?ref_src=twsrc%5Etfw%7Ctwcamp%5Etweetembed%7Ctwterm%5E976231995846963201&ref_url=https%3A%2F%2Fmashable.com%2Farticle%2Fbrian-acton-whatsapp-interview%2F
Së fundmi, ai ka folur për revistën Forbes.
Acton më parë punonte me Facebook. Ai e la kompaninë për shkak se kjo e fundit këmbëngulte në monetarizimin e WhatsApp. Rrjeti social deshte të fuste reklama dhe opsione biznesi në platformën e komunikimit më popullore në botë. Facebook gjithashtu nuk ishte dakort për kodimin e bisedave në WhatsApp, një tipar ky që ishte thelbësor për Acton. Kjo e fundit ruan privatësinë e përdoruesve, duke mos lejuar as kompaninë të përgjojë.
Pavarësisht thirrjes së tij për ta baktisur Facebook-un disa muaj më parë, Acton është i rezervuar në vlerësimin e tij për gjigandin social.
“Ata janë biznesmenë. Biznesmenë të mirë,” shprehet Brian. “Ata thjesht përfaqësojnë një sërë praktikash, parimesh, etika biznesi me të cilat unë nuk jam dakort”.
Përsa i përket arsyes pse e shiti WhatsApp te Facebook, arsyeja është e thjeshtë. Zuckerberg i ofroi një dorë të mirë parash që ai dhe bashkëthemeluesi Jan Koum nuk mund ta refuzonin. Gjatë intervistës, Brian Acton është vetëkritikues ndaj veprimeve që ka kryer. Ai e quan veten “të likujduar”, edhe pse po të priste më gjatë do të fitonte më shumë para.
“Shita privatësinë e përdoruesve të mi. nuk ka ditë që s’pendohem,” tha ai./Opinion.al
