Dy zjarre masive janë ndezur pasditen e sotme në Lezhë dhe në Fier. Në rastin e parë atë të Lezhës, mësohet se janë djegur 300 metra lineare nga hekurudha në aksin Lezhë-Laç. Sipas informacioneve zjarri vijon të jetë aktiv dhe nuk dihen ende shkaqet e kësaj ngjarjeje. Sipas punonjësve të hekurudhës nga vatra e zjarrit ka pas rrezik në dy biznese të zonës.
Në Fier, raportohet se zjarri ka rënë në zonën e Levanit. Në vendngjarje shkuan forcat e zjarrfikëses dhe të policisë. Autoritetet hasën vështirësi për të vendosur flakët nën kontroll, pasi favorizoheshin edhe nga era e fortë. Nga ngjarja nuk ka raportime për persona të lënduar. Dyshohet se shkak ka qenë rrëzimi i një peme në telat e tensionit të energjisë elektrike.
