E thjeshtë dhe me këmbë në tokë! Kështu e kanë cilësuar përdoruesit e rrjetit social “Twitter”, Dukeshën e Sussex Meghan Markle, pasi mori pjesë në hapjen e galerisë “Oceania” në akademinë “Royal Academy of Arts”.
Ajo ishte e veshur me një fustan të zi “Givenchy” dhe dukej shumë elegante kur doli nga makina. Por 37-vjeçarja nga Kalifornia bëri veprimin që habiti të gjithë.
Pasi doli nga makina, Meghan e mbylli vetë derën e saj. Ky veprim është në kundërshtim me rregullat e familjes mbretërore.
Ndërkohë video e Dukeshës është bërë menjëherë virale në rrjetet sociale dhe të shumtë janë ata që e kanë vlerësuar gjestin e thjeshtë të Meghan.
Të shumtë janë ata që kanë komentuar se edhe pse është pjesë e familjes mbretërore, Meghan Markle është ende një prej njësh. Një person shkruante se Dukesha do vazhdojë “t’i bëjë gjërat në mënyrën e saj duke ndihmuar në përshtatjen dhe përparimin e monarkisë britanike”.
