Janë të shumta historitë njerëzore tragjike që vijnë nga Greqia, por ku e më dhimbshmja është ajo e një nëne dhe bashkëshorte që humbi dy fëmijët e mitur dhe bashkëshortin e saj në zjarrin gjigand që ra në Mati.
Nëpërmjet letre tashmë të bërë publike në median greke, gruaja ka ndarë me publikun momentet e saj të vështira pas mësimit të lajmit.
Vajza e saj, Evita, 13 vjeçe, u hodh nga shkëmbi në 15 metra lartësi në det, për t’i shpëtuar flokëve gjigande në Mati, por gjeti vdekjen.
Ndërsa djali 11 vjeç, Andreas, vdiq bashkë me babain e tij 54-vjeçar, Grigoris.
Ka qenë gazetari Babis Papapanagiotou, një mik i familjes së çiklistëve të njohur, i cili e lexoi live në SKAI TV letrën e nënës.
“Po përpiqem të jem si vajza ime e vogël, e cila gjithmonë ishte një luftarake që provoi në çdo mënyrë. E di që Grigoris do të kishte bërë gjithçka për t’i shpëtuar. Fakti që ai dështoi ishte thjesht vullneti i Zotit. Ende më kumbon në vesh zëri i frikësuar i Andreas: “Kam frikë mami, jam shumë i shqetësuar, por do të qëndrojë i fortë. Nuk dua që të vish, pasi gjithçka është mbyllur dhe ndoshta nuk ia del dot. “Unë u përpoqa t’i arrij ata, katër orë përpjekje që t’u afrohesha”, vazhdon letra. “Më pas hoqa dorë nga përpjekjet, duke menduar që mos të rrezikoja as unë. Nuk kam fjale. Po përpiqem që të identifikojë familjarët e mi, pasi shteti e ka humbur plotësisht kontrollin në këtë drejtim-unë mund t’ju them se kam humbur gjithçka. Përqafoni fëmijët tuaj çdo ditë!”
