Bllokimi i punës në Gjykatën Kushtetuese ka përplasur në debate deputetin demokrat Tritan Shehu dhe Ministrin e Jashtëm, Ditmir Bushati, gjatë raportimit që ky i fundit bëri në Komisionin e Jashtëm për procesin e negociatave.
Shehu tha se një shteti pa gjykatë Kushtetuese nuk mund ti happen dyert në BE. Në përgjigje të këtij shqetësimi, Bushati tha se mungesa e gjykatës nuk është lajm i mirë për vendin por më shqetësues është fakti që gjyqtarë të gjykatës Kushtetuese dhe asaj të Lartë nuk kalojnë vettingun.
Tritan Shehu: Gjykatës Kushtetute i keni vënë çelësin dhe drynin.Një shtet pa gjykatë Kushtetuese, ku rrezikon të mos jetë dhe gjykata e Lartë, nuk mund të ketë demokraci, demokracia është përdhosur, nuk mund ti hapen dyert e BE.
Ditmir Bushati: Ju keni shumë të drejtë që jeni të shqetësuar për faktin se gjykata Kushtetuese ka mbërritur në këtë pikë si pasojë e procesit të vettingut, edhe si jurist e ndaj shqetësimin tuaj se një vend pa Gjykatë Kushtetuese nuk është një lajm i gëzueshëm për askënd por nga ana tjetër mua më vjen turp kur shoh që procesin e vettingut qoftë për çështje pasurie, penaliteti e kështu me rradhë, nuk e kalojnë dot shumica e anëtarëve të gjykatës Kushtetuese apo Gjykatës së Lartë.
Gjithë kjo punë duhet të na shërbejë si ushqim për të menduar sesi mund ta për mirësojmë cilësinë njerëzore në gjykatën e ardhshme Kushtetuese dhe Gjykatën e Lartë. Thirrja e komisionerit Hahn dje për të votuar ligjin që zhbllokon funksionimin normal të shkollës së magjistraturës nuk ishte një thirrje për të mbështetur as qeverinë dhe as planin që ju pikturuat në formën ogurzeze për të marrë institucionet e drejtësisë.
Ministri i Jashtëm tha se me Komisionin Europian kanë rënë dakord për nisjen e një kalendari pune që fillon në shtator dhe mbyllet në pranverën e vitit 2019.
Bushati nga ana tjetër tha se Qeveria gjermane ka qenë lokomotivë për hapjen e menjëhershme të negociatave për Shqipërinë.
Ministri gjithashtu lajmëroi se këtë të dielë do të mirëpresë Ministrin gjerman në Tiranë./OraNews/
