Nuk është as hera e parë dhe as e fundit, ku të moshuarit nxirren në mes të katër rrugëve nga fëmijët e tyre. Një nga këto raste është edhe ai i Fadil dhe Lumturie Manes nga qyteti i Korçës. Në moshën 82-vjeçare ata janë detyruar të dalin në rrugë të madhe, pasi janë lënë në mëshirë të fatit nga djali dhe vajza e tyre. Situata e tyre nisi 8 muaj më parë, ku vajza dhe dhëndri i morën shtëpinë dhe e nxorrën në shitje. Kështu nisi edhe kalvari i vuajtjes së tyre me sorollatje nëpër Gjykata e Polici.
Prej muajsh ata jetojnë nëpër hotele me pensionin e tyre, dhe ndihma nga njerëz të rastësishëm. Teksa dëgjon rrëfimin e Fadilit, është e pamundur të mos pëlotesh. Në qytet rasti i tyre është i njohur, ndërsa Bashkia nuk ka marrë asnjë masë për ti ndihmuar. Nga ana tjetër themeluesi i “Fundjavë Ndryshe” Arbër Hajdari, e ka marrë përsipër këtë rast, duke u shprehur se atyre do u sigurohet një banesë, dhe kushtet e nevojshme për të jetuar. Më poshtë mund të shihni pamjet e trishta, dhe rrëfimin e Fadilit për “Korça Report”
