Kreu i Kushtetueses, Bashkim Dedja duket se e ka përjetuar shumë procesin e vetingut. Ai e kaloi me sukses, por duket se ka qenë periudhë e vështirë, pasi tha të kalosh në filtrat e Vettingut ishte njësoj si të kaloje “varrin për së gjalli”.
Bashkim Dedja: S’mendova kurrë të jap dorëheqjen. Të kalosh Vettingun është sikur të kalosh “varrin për së gjalli”. Refoma është e rëndësishme. Që nga muaji mars Gjykata Kushtetuese nuk funksionon dhe politika duhet të gjejë zgjidhje për këtë. Nëse të gjithë s’e meritojnë le të largohen, por sipas ligjit e kushtetuese.
Për rastin tim, do merret përfaqësuesi ligjor. Kolegji apelimi do caktoj standardin e kryerjes së Vettingut. S’e kam menduar kurrë që nuk do e kaloja, por gjithçka mund të ndodhte. Vettingun e kam ndjekur ne shpi me familjarët, ishte diçka me emocion. Pasi e ndoqa ne shtepi erdha në zyrë. Shqiptarët marrin drejtesi të vonuar dhe kjo është problem, sjell kosto.
Më tej ai tha se të gjithë ata gjyqtarë që do hyjnë në Gjykatën Kushtetuese duhet ta kalojnë vetingun.
Bashkim Dedja: “Vettingu është një ndër ligjet më të ashpra. S’di të them nëse fajin e kanë ndërkombëtarët, politika apo dikush tjetër por kjo situatë ku jemi, do zgjidhje. Ndërkombëtarët janë ndihmues por vendimarrës janë shqiptarët dhe politika mori vendime. S’dua të komentoj rastin tim, pasi do të ndikonte në vendimmarrjet e komisionit të Vettingut por avokati im nqs e vlerëson që ka shkelje do ndjekë hapat ligjor. Në këtë situatë ku mungojnë 6 gjyqtarë në Kushtetuese, asnjë s’duhet të zëvendësohet pa kaluar Vettingun”.
